مشروع تربيه الفراخ البيضاء بالمنزل

مشروع تربيه الفراخ البيضاء بالمنزل

يعتبر مشروع تربيه الفراخ البيضاء بالمنزل من المشروعات البسيطه و السهله والسريعه الربح حيث تأخذ الدوره الواحده من اللحظات الاولي الكتكوت حتي الذبح من 35ل 45يوم.

ما الذي تحتاجه كي تبدأ مشروع تربيه الفراخ البيضاء بالمنزل؟

أولا نحتاج مكان علي الاقل 10متر مربع فهذه المساحه تكفي لتربيه 100كتكوت حيث يحتاج كل عشر فراخ حوالي متر مربع.طبعا لو كان المساحه اكبر يكون أفضل.ويفضل أن يكون المكان جيد التهوية علي الرغم من أن الكتاكيت البيضاء تحتاج إلي مكان دافئ ولكن هذا الأمر يمكن التحكم فيه عن طريق تزويد المكان ب لمبات للتدفئة.سوف نحتاج الي نشاره خشب لتغطيه الارضيه وطبعا نوع جيد من العلف.هنحتاج كمان اربع علافات واربع مسقات للمياه

كيف يتم اختيار نوع الكتكوت؟

يجب اختيار نوع جيد من الكتاكيت .ويكون علي الاقل وزن الكتكوت 40جرام  ويكون الكتكوت فرزه أولي علشان يشيل لحم كويس.

كيفيه إستقبال الكتكوت؟

لازم لازم نطهر المكان ونعقمه قبلها بأسبوع علي الاقل.ونرصةالعلافات والسقايات علي مسافات متساوية. يجب أن تملي السقايات بالماء أولا. ونضيف لكل لتر ماء ملعقه سكر او كيس محلول جفاف وده لمده 8ساعات .بعد ساعتين ممكن تملي العلافات بالعليقه.المفروض تكون درجه حراره الغرفه عند استقبال الكتاكيت 34 درجه وننزلها درجه كل تلات ايام.ولابد من أن تستمر الاضاءه 24ساعه في اليوم علشان الكتاكيت تفضل تاكل.ده كله ليساعد في عمليه التسمين.

و يجب ملاحظه الفرخ جيدا فلو لقيت الفراخ مكتومه و ملمومه علي بعضها فده معناه أن الفراخ سقعانه و لو الفراخ منتشره و بتاكل فتعرف أن الفراخ كويسه .

من الممكن أن نحجز علي الكتاكيت في ركن الحجره حتي يتم تسليط الضوء عليهم .

كيف اختار نوع العلف؟

اختيار نوع العليقه مهم جدا .لازم يكون نوع موثوق به.ويجب عدم تغيير نوع العليقه الا بعد الرجوع للممارس أو الطبيب البيطري.

الفرخ بياكل حوالي من تلاته الي اربعه كيلو علف في الدوره الواحده.

اول حاجه بنقدم للكتاكيت العليقه البادي.ودي بندي الفرخ منها حوالي كيلو في 17يوم.و بعد كده بندي  نامي و دي عليقه متوسطة.وبندي الفرخ منها حوالي واحد كيلو في حوالي 15يوم.وبعد كده بتغير للعليقه الناهي و دي هتستمر معانا حتي نهايه الدوره.

ملحوظه*لازم الفرخ يكون ادامه العلف دائما لازم يكون شبعان علي طوووول.

كيفيه زياده وزن الفرخ؟

ممكن اضافه بعض الفيتامينات الاكل والماء لزياده الوزن.ومن الممكن أيضا اضافه حاجات طبيعيه زي العسل الاسود للماء و ايضا ممكن اضافه الحلبه الحصي العلف من أجل زياده الوزن.ممكن اضافه البصل المفروم والثوم أيضا .واضافه الحاجات الطبيعيه هي أهم ما يميز التربيه البيتي.وممكن اضافه الكرديه أيضا بنسبه تلاته جرام لكل لتر ماء.وله تأثير قوي علي عمليه التسمين.

كيف تسوق الانتاج؟

الفرخ البيتي مطلوب جدا فممكن تسويقه للأصدقاء أو توريدها لمحلات الدواجن أو حتي عن طريق الفيس بوك.

دراسه جدوى بسيطه ل 100كتكوت*

الكتكوت بيكون بسعر اليوم فممكن يكون ب تلاته جنيه و ممكن يكون  ب 11جنيه

يبقي متوسط 6جنيه الكتكوت يعني 600جنيه كتاكيت 

الفرخ بياكل 4كيلو علف يعني مطلوب 400كيلو في حدود 2800جنيه 

العلاج ممكن 2جنيه الفرخ يعني 200جنيع علاج وتحصين 

مطلوب نشاره 2جنيه الفرخ يعني 200جنيه 

كهرباء 2جنيه الفرخ يعني 200,جنيه 

الفرخ في نهايه الدوره بيكون وزنه يتراوح من تلاته كيلو الي 3.750 كيلو جرام

الله ولي التوفيق

 

 

 

 

 

 

 

 

 

 

Comments

You must be logged in to post a comment.