افضل طريقه لعمل ديكورات شيك وسهله فى البيت

  كلننا مختلفين واذواقنا وارائنا مختلفه سواء ديكور البيت او اراء شخصيه او فى حتى نوع الطعام  فبطبيعه الحال مختلفين وكلنا معرضين فى بدايه اى حياه زوجيه اننا نسكن فى شقق صغيره وبسيطه من حيث المساحه ده يا بسبب ظروف ماديه او لسه مفيش اولاد او بحكم  الشغل وعشان كده لازم نتعلم شويه تفانيين نساعد بيها نفسنا لو اضطرينا نبتدى فى شقه صغيره عشان نحس بالراحه فى بيتنا 

 

اول حاجه لازم ناخد بالنا منها الاضاءه لانها مهمه جدا انها تدينا الاحساس بالراحه فى الشقه فككل ما كانت الاضاءه فاتحه كل ما اديتنا  الاحساس بوسع فى مساحه الشقه كمان اختيار الالوان فى غرفه النوم الرئيسيه لازم تبقى هاديه عشان تدى الاحساس بالراحه والوسع

كمان لازم تكونى محدده ستايل الشقه بسيط وسمبل ولا مودرن او يكون مودرن وبسيط فى نفس الوقت 

 وكمان كل ما كان اختيار الالوان هى الالوان الفاتحه كل ما ساعدك فى الاحساس بوسع البيت ودى اسمها الالوان الخادعه عشان بتوحى بعكس الحقيقه من حيث الوسع 

كمان اختيار الستاير والسجاد حاجه مهمه اوى مثلا فى السجادالعلاقه بين لون الستاير والسجاد والوان البيت هى علاقه عكسيه يعنى لو كانت الاوضه فيها اوان وزركشه فهى عايزه سجاده هاديه عشان تدى احساس بالراحه  والعكس لو كانت الوان الاوضه هاديه وساده فى كده بتكون الاوضه محتاجه سجاده متعدده الالوان عشات تتناسب مع الاوضة

اما بالنسبه لغرفه الاطفال  فلازم نحاول تكون السجاده بالوان زاهيه مبهجه عشان تدى الاحساس بالحياه فى الاوضه 

وبالنسبه لغرفه المعيشه اللى بيكون فيها حركه كتير بيفضل السجاد الغامق وده عشان بيكون فيها حركه كتير وسهل انها تتعرض للاتساخ المستمر 

نصيحه كمان فى موضوع السجاد مش لازم السجاده تغطى كل الاوضه المهم ان شكل ولون السجاده مناسب للاوضه 

اما بالنسبه للمطبخ فالمطبخ اول حاجه تختاريها حوض المبخ وطبعا بيفضل الحوض المدمج وخصوصا لو كان الحوض مطبخ مساحته صغيره كمان لازم تتاكدى من ان شكل حوض المطبخ يتناسب مع مساحه المطبخ و شكل ايضا صنبور الميه 

تانى حاجه دولاب المطبخ وده ممكن يتلغى خالص ايه دة ازاى اة والله هقولك دولاب المطبخ بياخد مساحه كبيره وخاصه ان مستلزمات الى عروسه بتكون كتير فممكن نبدل الدولاب بارفف رخام فى الحيطه وفى اشكال كتيره جدا للرخام ممكن تختارى الشكل اللى يمشلى ويناسب مساحه مطبخك وف نفس الوقت الرخام موضه جدا كده هتكونى وفرتى مساحه ومطبخك بقى عصرى 

  • نيجى للحمام وترتيبه لازم تهتمى فى الحمام على حاجه مهمه اوى  وهى الرفوف للتعليق ادوات الحمام وفى حاجه طالعه جديده زى السلم بس للديكور دى بتوفر مساحه  كبيره اوى لانك بتستخدميها عشان تعلقى الشامبو او الفوط او الشاور كده لكن مش اننا نستخدمه كسلم 

وف النهايه اتمنى تكون اى ست بيت استفادت بالمقال لبيت شيك وبسيط  

Comments

You must be logged in to post a comment.